Rimini u bë një qendër bashkëpunimi dhe shkëmbimi njohurish, teksa partnerët e projektit DATA EQUALITY të financuar nga BE-ja u mblodhën për Ëorkshopi konkludues dhe Takimin e Komitetit Drejtues të projektit. I organizuar nga Gjykata e Apelit e Venecias dhe Fondacioni Ndërkombëtar AGENFOR, ky aktivitet mblodhi palët e interesuara nga e gjithë Evropa përfshirë përfaqësues nga gjyqësori, agjencitë ligjzbatuese, shoqëria civile, akademia dhe autoritete vendore.
Me peizazhin dixhital që po formëson gjithnjë e më shumë mënyrën se si manifestohet diskriminimi – veçanërisht përmes përdorimit të Inteligjencës Artificiale dhe teknologjive të të dhënave – DATA EQUALITY përqendrohet në sigurimin që praktikat e mbledhjes dhe analizës së të dhënave të nxisin përfshirjen, barazinë dhe llogaridhënien.
Avancimi i barazisë përmes të dhënave
Sesioni i mëngjesit u zhvillua në Palazzo del Turismo dhe përfshinte Ëorkshopi konkludues, ku partnerët e projektit prezantuan rezultatet kryesore të katër grupeve tematike të punës. Gjetjet u përqendruan në:
- Mbledhjen dhe Menaxhimin e të Dhënave
- Analizën e të Dhënave
- Shkëmbimin e të Dhënave
- Paragjykimet dhe Aspektet Etike në përdorimin e mjeteve Inteligjencës Arificiale dhe Informacionit me burime të hapura
Pjesëmarrësit patën mundësinë të angazhoheshin me studime rastesh nga bota reale, të ndanin praktikat kombëtare dhe të jepnin sugjerimet e tyre për të forcuar metodologjinë e përbashkët të zhvilluar nga projekti. Një pikë kulmore e sesionit ishte dhe një pamje e parë se si metodologjia në zhvillim mund të zbatohet në qeverisjen e të dhënave etike dhe monitorimin dixhital në të gjithë sektorët.
Takimi drejtues: Koordinimi i fazës përfundimtare
Pasdite u mbajt Takimi i Komitetit Drejtues i cili u përqendrua në koordinimin strategjik dhe planifikimin për fazën përfundimtare të projektit. Partnerët diskutuan prioritetet për muajt e ardhshëm, duke përfshirë:
- Finalizimin e Manualit Evropian mbi të Dhënat e Barazisë
- Ofrimin e aktiviteteve të ndërtimit të kapaciteteve
- Përshtatjen e përpjekjeve të komunikimit
- Përmirësimin e rezultateve kryesore të projektit për të siguruar qëndrueshmëri dhe ndikim
Duke parë nga e ardhmja
Informacionet dhe sugjerimet e mbledhura gjatë eventit të Riminit do të luajnë një rol kritik në krijimin e versionit përfundimtar të Metodologjisë së Përbashkët Evropiane, e cila do të publikohet në Manualin Evropian mbi të Dhënat e Barazisë që do të dalë së shpejti. Ky burim synon të pajisë profesionistët në të gjithë Evropën me mjete praktike për të adresuar paragjykimet dhe për të promovuar barazinë në epokën e dixhitalizimit dhe Inteligjencës Artificiale.